ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಕುರಿತು ವಿವಾದಾತ್ಮಕ ವಿಷಗಳನ್ನೊಳಗೊಂಡ Fire and Fury: Inside the Trump White House ಎಂಬ ಪುಸ್ತಕ ಇಂದು(ಜ.05) ಬಿಡುಗಡೆಯಾಗಲಿದೆ. ಮೈಕೆಲ್ ವೊಲ್ಫ್ ಎಂಬ ಲೇಖಕರು ಬರೆದ ಈ ಪುಸ್ತಕ ಪ್ರಕಟವಾಗದಂತೆ ಹಲವು ಪ್ರಯತ್ನಗಳು ನಡೆದಿದ್ದರೂ ಅಭಿವ್ಯಕ್ತಿ ಸ್ವಾತಂತ್ರ್ಯ ಗೆದ್ದಿದೆ. ಕೊನೆಗೂ ಈ ಪುಸ್ತಕ ಬಿಡುಗಡೆಯಾಗುತ್ತಿದೆ. ಟ್ರಂಪ್ ಆಡಳಿತವನ್ನು ಕುರಿತು ವಿವಾದಾತ್ಮಕ, ಆರೋಪಾತ್ಮಕ ಅಂಶಗಳನ್ನು ಹೊಂದಿರುವ ಈ ಪುಸ್ತಕ ಹಲವು ಅಡೆತಡೆಗಳನ್ನು ಮೀರಿ ಇಂದು ಬಿಡುಗಡೆಯಾಗುತ್ತಿದೆ. ದಯವಿಟ್ಟು ಕೊಂಡು ಓದಿ ಎಂದು ಲೇಖಕರಾದ ಮೈಕೆಲ್ ಕೇಳಿಕೊಂಡಿದ್ದಾರೆ.ಅಧ್ಯಕ್ಷೀಯ ಚುನಾವಣೆಯಲ್ಲಿ ಗೆಲುವು ಸಾಧಿಸುತ್ತೇನೆಂದು ಸ್ವತಃ ಟ್ರಂಪ್ ಗೂ ನಿರೀಕ್ಷೆಯಿರಲಿಲ್ಲ ಎಂದು ಈ ಕೃತಿಯಲ್ಲಿ ನೇರವಾಗಿಯೇ ಬರೆಯಲಾಗಿದೆ. ಅಲ್ಲದೆ ಕೋಪ, ಆವೇಶ, ಬೆಂಕಿಯ ಮಿಶ್ರಣದಂತೇ ಕಾಣುವ ಟ್ರಂಪ್ ಅವರ ಕುರಿತ ಹಲವು ಗುಟ್ಟಿನ ಸಂಗತಿಗಳನ್ನು ಈ ಪುಸ್ತಕ ಬಟಾಬಯಲುಮಾಡಿದೆ.
Fire and Fury: Inside the Trump White House, a book by American journalist and famous author will be releasing on Jan 5th. The book seeks international attention because it contains many secret stories about America President Donald Trump. Here are few points which are mentioned in the book.
